Rothgeter Meister Lamp un sin Dochder - Klaus (Johann) Groth - Страница 1 из 51


De Warksted En Dær mit
en Drücker Nawerschop Besök
Lütt Twischenspill En Andrag Jan Baas
Abend Morgen I.
De Warkstęd.        
Rothgeter weer Meister Lamp, – Gęlgeter
hör he noch lewer,
Nich jüs węgen de Ehr, doch harr dat bęter
en Utdruck,
Paß mehr to dat Geschäft, und klung ok sauber un
rennlich.
Twars en Nam is en Blam , de makt keen Hæker to'n
Kopmann:
»Kleidermacher« opt Schild is binn en Snieder
as jümmer:
Awer wat sik gebört dat hört sik, ok bi en
Handwark,
Dank vær Gav un Gunst, so heet dat, un »Ehre
dem Künstler.«
Un wul is se en Kunst de feine Arbeit in Messing,
Dar hört Nadenken to, en Wętenschop, as man so
seggn deit. Hier man, dat ruge Metall, beseh dat mal! Lett dat
sik smölten?
Is dat blank vær den Guß?
               
                   
      Nę tag', as Klister un Syrop,
As Lappledder un Lim! Zink fęhlt der! dar fęhlt
em de Härte!
Sunsten de Biegung hett't, old is 't, utweddert un
smiedig.
Je, wa lang dat ok seet in en Zuckerfabrik as en Tapprohr,
Ja, un je länger dat deent, so smeidiger ward dat man


-10     пред. Страница 1 из 51 след.     +10