S Juramareili - Paul Haller - Страница 1 из 63


    aus: Gesammelte Werke Verlag H. R.
Sauerländer
Aarau
[2. Auflage / 1964]     Mim Vatter
sälig     I
hätt dr gärn i dinen alte Tage
E chlyni Freud gmacht mit dem Jurachind. —
Iez schlychi trurig gägem Chilhof ue
Und legg dr still mis Büechli uf dis Grab.
    I  
                   
S het einischt ame lange Summersundig
Am Himel no kes Stärndli vüre welle,
Und d Sunne het si wines sperzigs Chind,
Wo nid is Bett wil, gwehrt für under d Wält
Und het di letschte Seck voll Gold und Silber
Mit flingge Händen über d Matte gschüttet.
No jedem Halm het s öppis möge
’bräiche
Und jedem Stüdeli der Aare noh,
Und jedes Strauhus, jedes Ziegeldach
Het no es Aug voll Himelsliecht verwütscht.
S ganz Schloßdach ischt im hele Für ufgange,
Und a de blinde Pfäischtere vo dr Hütte —
Im ganze Dorf het niemer anderscht gsäit —
Isch s lödig Gold i Fäcken abeghanget.
«Mareili, lueg wi das au goldig ischt!»
Het s Anneli dr große Schwöschter grüeft,
Wo mitem uf der Stroß nüdrächts to het.
Und iez, wo s z springe chunnt und obsi längt


-10     пред. Страница 1 из 63 след.     +10